Xəstəxanadan Aztibb.az-a verilən məlumata görə, təlimi giriş sözü ilə xəstəxananın direktoru Anar İsrafilov açıb. Tədbirin əsas məqsədi əməkdaşların mülki müdafiə sahəsində biliklərinin artırılması, fövqəladə hallara hazırlığının gücləndirilməsi və təhlükəsizlik qaydaları barədə məlumatlandırılması olub.

 

Daha sonra təlimi keçirən Səbail rayonu üzrə fövqəladə hallar və mülki müdafiə şöbəsinin rəisi, polkovnik-leytenant Nazir Əkbərov yanğınsöndürən balondan və əleyhqazdan istifadə qaydaları haqqında ətraflı məlumat verib. Təlim zamanı bu vasitələrin düzgün tətbiqi və istifadə zamanı diqqət yetirilməli əsas məqamlar izah olunub.

 

Fövqəladə hallar zamanı vaxtında və düzgün addımların atılması insanların həyat və sağlamlığının qorunmasında mühüm rol oynayır. Bu baxımdan, tibb müəssisələrində əməkdaşların təhlükəsizlik qaydalarını bilməsi həm özlərinin, həm də pasiyentlərin mühafizəsi üçün xüsusi əhəmiyyət daşıyır.

 

Keçirilən təlim əməkdaşların hazırlığının artırılmasına və müəssisədə təhlükəsiz iş mühitinin qorunmasına xidmət edib.