Günəbaxan tumu esensial yağ turşuları, vitamin və mineral mənbəyidir. Onun tərkibində olan E vitamini və fol turşusu ürək-damar xəstəliklərinin əmələ gəlməsinin qarşısını alır. O, hüceyrələrə dəyən zərəri aradan qaldırmaq və beyinin sağlamlığını qorumaq qabiliyyətinə malikdir.
Ürək-damar sistemini möhkəmlədirir
Günəbaxan tumları ürəyə faydalı təsir göstərən bir sıra elementləri özündə saxlayır. Onun tərkibində olan A və E vitaminləri, fol turşusu ürək-damar sistemi ilə bağlı bir çox xəstəliklərin qarşısını alır. Həmçinin, vitaminlər dərinin vəziyyətini yaxşılaşdırmağa kömək edir və beyin hüceyrələrinin yaşlanmasının qarşısını alır. Fol turşusu arteriyaların güclü, elastik qalmasına kömək edir.
Xolesterin səviyyəsini azaldır
Elmi araşdırmalar günəbaxan tumlarının gündəlik istifadəsinin pis xolesterolu 10% azaltmağa kömək etdiyini, eyni zamanda yaxşı xolesterolu normada saxladığını göstərib. Bunun səbəbi, bu toxumların özündə faydalı doymamış yağ turşuları, Omega-3 və linol turşusu ehtiva etməsidir.
Qan təzyiqini normallaşdırır
Linol turşusu pis xolesterinin səviyyəsini azaltmağa kömək etməklə yanaşı, arterial təzyiqi də normallaşdıra bilir.
Depressiyanın qarşısını alır
Günəbaxan tumlarında zəngin olan maqnezium qan damarlarının rahatlaşmasına və qanın qatılaşmasının qarşısının alınmasına kömək edir.
Maqnezium çatışmazlığının ilk əlamətləri qıcıqlanma, daimi baş ağrısı və xroniki yorğunluq hesab olunur. Bundan əlavə, maqnezium çatışmazlığı sinir, immun və ürək-damar sisteminin fəaliyyətinə təsir göstərə bilər. Toxumların davamlı istifadəsi əhval-ruhiyyəni və beyinin işini yaxşılaşdırır. Harvard Universitetində aparılan araşdırmalara görə, günəbaxan toxumlarının pəhrizə daxil edən insanlar depressiyadan daha az əziyyət çəkirlər.
İltihabı azaldır
Günəbaxan tumunda olan antioksidantlar daxili orqanlarda iltihabı azaltmağa kömək edir və tiroid hormonlarının metabolizmasında mühüm rol oynayır. Bu faydalı xüsusiyyətləri sayəsində günəbaxan toxumu bir çox xroniki xəstəliklərin inkişafı riskini azaltmağa kömək edir.
Əks təsirləri
Çoxsaylı faydalı xüsusiyyətlərə malik olsa da, tumlar yüksək kalorilidi. Artıq çəki problemindən yayınmaq üçün, gündəlik normaya riayət etmək lazımdır. Günlük norma 20-30 qram hesab olunur.
Günəbaxan tumunun daha bir yan təsiri allergiya ilə bağlıdır. Toxumlara qarşı allergiya tez-tez baş verməsə də, allergiyaya meyilli insanlar qəbuldan öncə həkimlə məsləhətləşməlidir.
