Naxçıvan Muxtar Respublikası Səhiyyə Nazirliyinin təşkilatçılığı ilə “Naxçıvan Muxtar Respublikası Perinatal Mərkəzi” PHŞ və “Əziz Əliyev adına Naxçıvan Muxtar Respublikası Mərkəzi Uşaq Xəstəxanası” PHŞ-nin ixtisaslı həkim briqadası tərəfindən Culfa Rayon "Əbrəqunus Kənd Tibb Məntəqəsi"ndə əhalinin tibbi müayinədən keçirilməsi məqsədilə aksiya təşkil olunub.
Nazirlikdən Aztibb.az-a bildirilib ki, aksiya çərçivəsində vətəndaşlara laboratoriya müayinələri, ultrasəs müayinəsi, ginekoloq və neonatoloq tərəfindən ixtisaslaşmış tibbi xidmətlər göstərilib. Ümumilikdə 18 laboratoriya, 24 USM müayinəsi aparılıb, 10 ginekoloji və 9 neonatoloji müayinə həyata keçirilib.
Tibbi aksiyanın keçirilməsində əsas məqsəd kənd və rayonlarda yaşayan əhalinin ixtisaslı tibbi xidmətlərə əlçatanlığının artırılması, xəstəliklərin erkən aşkarlanması və profilaktik tədbirlərin gücləndirilməsidir.
