Əhalinin tibbi xidmətlərə əlçatanlığının artırılması məqsədilə Yardımlının Şıxlar və Gölyeri kəndlərində səyyar tibbi müayinə aksiyası təşkil olunub.

 

Yardımlı RMX-dan Aztibb.az-a bildirilib ki, müayinədə terapevt, cərrah və pediatr iştirak edərək kənd sakinlərini müayinə edib, onların sağlamlıq vəziyyətini qiymətləndiriblər.

Müayinələr zamanı vətəndaşların müraciətləri dinlənilib, sağlamlıq problemləri ilə bağlı tibbi məsləhətlər verilib, zərurət yarandıqda isə əlavə müayinə və müalicə üçün müvafiq tibb müəssisələrinə yönləndirmələr aparılıb.

 

Səyyar tibbi müayinə çərçivəsində kənd sakinlərinə tibbi xidmət göstərilib. Tədbir kənd sakinləri tərəfindən məmnunluqla qarşılanıb və onların tibbi xidmətlərdən daha rahat şəkildə yararlanmasına şərait yaradıb. Bu cür tədbirlərin gələcəkdə də davam etdirilməsi nəzərdə tutulur.