Həkim bildirib ki, hər iki müayinə həzm sisteminin sağlamlığını qiymətləndirmək üçün aparılır, lakin fərqli nahiyələri müayinə edir. Qastroskopiya qida borusu, mədə və onikibarmaq bağırsağın daxili səthini qiymətləndirir. Udma çətinliyi, mədə ağrısı, yanğı, ürəkbulanma və qanaxma kimi halların səbəbini müəyyən etməyə kömək edir. Kolonoskopiya isə yoğun bağırsaq və düz bağırsağın müayinəsi üçün istifadə olunur. Poliplərin erkən aşkarlanması, bağırsaq xərçənginin skrininqi, qanaxma və uzunmüddətli bağırsaq şikayətlərinin araşdırılmasında mühüm rol oynayır.

 

Rəfael Həsənov erkən diaqnozun bir çox xəstəliyin vaxtında aşkarlanmasına və uğurlu müalicəsinə imkan yaratdığını vurğulayıb.