Cavanlıq və gözəllik vitamini kimi tanınan E vitamini və ya tokoferol güclü antioksidant təsirə malikdir. O, bütün mübadilə proseslərində iştirak edir, ürəyin işini və qanda xolesterinin miqdarını normallaşdırır. Bütün əzələlərin düzgün inkişafı və fəaliyyəti, zülal və kollagenin sintezi üçün E vitamini vacibdir.

Böyük insanın gündəlik E vitamini tələbatı 15 milliqramdır. 

Aztibb.az xəbər verir ki, bədəndə bu vitamin çatışmadıqda təhlükəli vəziyyət yarana bilər.

Daha çox mədə-bağırsaq problemləri, kolit, xoralı kolit, öddə problemlər, daşı olanlar, öd kisəsi tam çıxarılanlarda bu vitaminin defisitinə rast gəlinir. Çünki bağırsaqlarda tokoferol sovrulmur. Bunun üçün həkim pasiyentə E vitamini dərman preparatları yazmalıdır.

E vitamini qidalarla mənimsənilir.

Məsələn, bitki yağlarının 100 qramında 44 miliqram E vitamin var. Bir ovuc badam yemək E vitamini balansını qoruyur. Günəbaxan tumlarının 100 qramında 35 milliqram vitamin var. Eləcə də yer fındığı, fındıq, zeytun da E vitamini ehtiyacını ödəyir. 

Özbaşına E vitamini preparatları qəbul etmək olmaz, çünki bu vitaminin artıqlığı ciddi problemlərə gətirib çıxara bilər. Belə ki, onlar toxumalarda yağ kimi depolanır. Bu isə yorğunluq, əzələ qıcolmaları, baş ağrıları, böyrək və qaraciyərdə problemlərə səbəb olur.