Mütəxəssislər melioidoz infeksiyasının bəzi insanlarda heç bir əlamət vermədən və ya yüngül simptomlarla keçə biləcəyini bildirirlər.

Aztibb.az "Arqumentı i faktı" nəşrinə istinadən yazır ki, bu mənada şəkərli diabet, alkoqol asılılığı, immunçatışmazlıq, o cümlədən İİV infeksiyası və böyrək xəstəlikləri olan şəxslər bu infeksiyaya qarşı daha həssas hesab olunurlar.

Qeyd olunur ki, melioidoz insandan insana və ya xəstə heyvanla təmas nəticəsində yoluxmur. İnfeksiya əsasən torpaq vasitəsilə orqanizmə daxil olur.

Belə olduqda xəstəliyin diaqnostikası çətin ola bilər, çünki onun əlamətləri bir sıra digər infeksion xəstəliklərlə oxşarlıq təşkil edir. Bu səbəbdən həkimə son vaxtlar xarici ölkələrə səfər edilməsi barədə məlumat vermək düzgün diaqnozun daha tez qoyulmasına kömək edə bilər.

Melioidoz antibiotiklərlə müalicə olunan xəstəlikdir. Müalicənin ilk mərhələsində 2–3 həftə ərzində inyeksiya şəklində antibiotiklər tətbiq edilir, daha sonra isə xəstəyə 3–6 ay müddətində antibiotik tabletləri təyin olunur.