Xəstəxanadan Aztibb.az-a bildirilib ki, təcili tibbi yardım şöbəsinin təcili və təxirəsalınmaz tibbi yardım üzrə həkimi Fəxrəndə Cəfərovanın moderatorluğunda baş tutan təlimdə aidiyyəti şöbələrin əməkdaşları iştirak ediblər.

 

Məqsəd ilan sancmalarının təhlükələri, klinik əlamətləri və bu hallarda göstərilməli olan ilkin tibbi yardım qaydaları barədə iştirakçıları məlumatlandırmaq olub.

 

Təlim zamanı ilan sancması zamanı düzgün davranış qaydaları, vaxtında və düzgün tibbi müdaxilənin əhəmiyyəti, eləcə də zərərçəkənə göstərilməli olan ilkin yardım tədbirləri ətraflı izah edilib. Həmçinin ilan sancmaları ilə bağlı tez-tez yol verilən səhvlər, mümkün ağırlaşmalar və müalicə prinsipləri barədə geniş məlumat verilib.

 

Sonda iştirakçıları maraqlandıran suallar cavablandırılıb və mövzu ətrafında fikir mübadiləsi aparılıb.