Kardiologiya İnstitutunda müəssisənin könüllüləri ilə interaktiv görüş keçirilib.

İnstitutdan Aztibb.az-a verilən məlumata görə, əsas məqsəd könüllülərlə birbaşa fikir mübadiləsi aparmaq, onların təklif və təşəbbüslərini dinləmək, eləcə də gələcək əməkdaşlıq istiqamətlərini müzakirə etmək olub.

Görüşdə institutun direktoru, professor Gülnaz Dadaşova, direktor müalicə işlər üzrə müavini Afiyəddin İsgəndərov və könüllülər iştirak ediblər.

Söhbət zamanı könüllülər institutun fəaliyyətinin daha da inkişaf etdirilməsi, gənclərin proseslərə cəlb olunması və müxtəlif istiqamətlər üzrə yeni layihələrin həyata keçirilməsi ilə bağlı öz ideya və təkliflərini səsləndiriblər. Rəhbərlik tərəfindən irəli sürülən fikirlər və könüllülərin təklifləri ətrafında geniş fikir mübadiləsi aparılıb.

Professor Gülnaz Dadaşova çıxışında könüllülərin fəallığının və təşəbbüskarlığının əhəmiyyətini vurğulayaraq bildirib.

Görüş zamanı könüllülərin qarşıdakı dövrdə həyata keçiriləcək layihələrdə daha fəal iştirakı, yeni təşəbbüslərin hazırlanması və İnstitutla könüllülər arasında əməkdaşlığın daha da genişləndirilməsi ilə bağlı məsələlər də müzakirə olunub.

Səmimi və açıq fikir mübadiləsi şəraitində keçən görüş qarşılıqlı əməkdaşlığın möhkəmləndirilməsi, yeni ideyaların formalaşdırılması və gələcək fəaliyyət üçün yeni istiqamətlərin müəyyənləşdirilməsi baxımından əhəmiyyətli olub.