Xocavənd Rayon Mərkəzi Xəstəxanasında peyvəndlənmə davam edir

Uşaqların sağlamlığının qorunması və yoluxucu xəstəliklərdən etibarlı müdafiəsinin təmin edilməsi məqsədilə Xocavənd Rayon Mərkəzi Xəstəxanasında profilaktik peyvəndlənmə tədbirləri davam etdirilir.

Aztibb.az xəbər verir ki, 3–6 aylıq uşaqların peyvəndlənməsi Azərbaycan Respublikasının Milli Peyvənd Təqviminə uyğun olaraq həyata keçirilir.

Peyvəndlərin tətbiqi və qrafiki:

 3 aylıqda: 6 komponentli Heksaksim vaksini – göyöskürək, difteriya, tetanus, hepatit B, B tipli hemofil infeksiya və poliomielitə qarşı.

4 aylıqda: 6 komponentli Heksaksim vaksini və Pnevmokok vaksini – göyöskürək, difteriya, tetanus, hepatit B, B tipli hemofil infeksiya və poliomielitə, həmçinin pnevmokok infeksiyasına qarşı.
6 aylıqda: Pnevmokok vaksini və OPV (oral poliomielit vaksini) – pnevmokok infeksiyasına və poliomielitə qarşı.

Peyvənddən əvvəl uşağın pediatr tərəfindən müayinəsi aparılır, peyvənddən sonra isə uşağın sağlamlıq vəziyyətinə nəzarət edilir.

Valideynləri övladlarının peyvəndlərini Milli Peyvənd Təqviminə uyğun və vaxtında etdirməyə çağırırıq. Peyvəndlərin vaxtında aparılması uşaqların sağlamlığının qorunmasında mühüm rol oynayır.