Laçın Rayon Mərkəzi Xəstəxanasında Zabux kənd həkim məntəqəsinin müdiri, həkim-pediatr Sahibə Bəşirli tərəfindən tibb işçilərinin peşəkar bilik və praktiki bacarıqlarının artırılması məqsədilə “Uşaqlarda qastroenteritlərin düzgün diaqnostikası və müalicəsi” mövzusunda təlim keçirilib.
Bu barədə Aztibb.az-a Laçın RMX-dan məlumat verilib.
Təlim zamanı uşaqlarda qastroenteritlərin yaranma səbəbləri, əsas klinik əlamətləri, düzgün və vaxtında diaqnostik yanaşmalar, differensial diaqnostika prinsipləri, müalicə və rehidratasiya üsulları, həmçinin mümkün ağırlaşmaların qarşısının alınması istiqamətində ətraflı məlumat verilib.
Təlim iştirakçıların mövzu üzrə nəzəri biliklərinin möhkəmləndirilməsinə və praktik fəaliyyət zamanı düzgün tibbi yanaşmaların tətbiqinə xidmət edib.
