Akademik Zərifə Əliyeva adına Milli Oftalmologiya Mərkəzinin Şəki filialının əməkdaşları tərəfindən Şəki şəhərində yerləşən 22 saylı uşaq bağçasında növbəti səyyar oftalmoloji aksiya təşkil olunub.

Aztibb.az-ın xəbərinə görə, ksiya çərçivəsində ümumilikdə 55 nəfər müayinə olunub. Onlardan 15 nəfəri böyük, 40 nəfəri isə uşaq olub. Müayinə olunan uşaqlardan 11-də refraksiya pozuntusu aşkar edilib.

Səyyar aksiya həkim Səmədova Cəmilə və tibbi qeydiyyatçı Məmmədova Gülnarın iştirakı ilə həyata keçirilib.

Akademik Zərifə Əliyeva adına Milli Oftalmologiya Mərkəzinin Şəki filialı əhali arasında göz xəstəliklərinin erkən aşkarlanması və vaxtında profilaktik tədbirlərin görülməsi məqsədilə səyyar oftalmoloji aksiyaları davam etdirir.