Nyu-Yorkda 33 yaşlı təqsirləndirilən şəxs Samanta Radazzo məhkəmənin Bruklin zalında, skamyaya qandallanmış vəziyyətdə olarkən uşaq dünyaya gətirib.

Aztibb.az xəbər verir ki, bu barədə “The Independent” məlumat yayıb.

Məlumata görə, qadın narkotik maddələrin saxlanılması şübhəsi ilə saxlanılıb və doğuşdan əvvəl təxminən bir sutka həbsdə olub.

Nəşrin yazdığına əsasən, Radazzonun sancıları məhkəmə iclası zamanı başlayıb. O, tam tibbi yardım göstərilmədən, məhkəmə əməkdaşlarının və hüquq-mühafizə orqanlarının gözü qarşısında doğuş edib.

Hadisə hüquq müdafiə təşkilatlarının kəskin reaksiyasına səbəb olub. Onlar araşdırma aparılmasını və hamilə qadınların həbs şəraitinin yenidən nəzərdən keçirilməsini tələb ediblər.

Birgə bəyanatda aktivistlər bu hadisəni “dərin mənəvi uğursuzluq” və “ABŞ cəza sisteminin qəddarlığının göstəricisi” kimi qiymətləndiriblər. “The Independent”in məlumatına görə, məhkəmə zalında olan bəzi şəxslər doğuş zamanı zarafatlar da ediblər.