Protein sağlam qalmaq üçün vacib qida maddəsidir, lakin onun mənbəyi böyük əhəmiyyət daşıyır. Ən faydalı protein mənbələrindən biri toyuğun döş ətidir. O, az yağlıdır və 3 unsiyasında (təxminən 85 qram) 27 qram protein var.

 

Fərhad Burzu bildirib ki, somon balığı da yüksək keyfiyyətli proteinlə yanaşı, ürək, beyin və göz sağlamlığı üçün vacib olan omeqa-3 yağ turşuları ilə zəngindir. Qoz-fındıq və toxumlar, xüsusilə yerfındığı, badam, qoz, çia və kətan toxumu həm protein, həm də lif, vitamin və faydalı yağlarla zəngindir. Paxlalılar- mərci, noxud, qara lobya və digər lobya növləri isə bitki mənşəli protein və lif mənbəyi kimi faydalıdır.

 

Onun sözlərinə görə, bunun əksinə olaraq, sosiska, kolbasa kimi emal olunmuş ətlər yüksək duz və doymuş yağ tərkibinə görə xolesterin və təzyiqi artıra bilər. Tərkiblərindəki nitrat və nitritlər bəzi xərçəng növləri ilə əlaqələndirilir. Yağlı qırmızı ətin həddindən artıq qəbulu da sağlamlıq üçün risk yarada bilər. Buna görə gündəlik qidalanmada daha faydalı və balanslı protein mənbələrinə üstünlük verilməsi tövsiyə olunur.