Ağız boşluğundakı bakteriyalar bağırsaq xərçəngini sürətləndirə bilər
25.07.2020 14:26

Ağız boşluğundakı mikrobların bəziləri nisbətən zərərsizdir, digərləri isə bir o qədər də zərərsiz deyil. Məsələn, “Fusobacterium nucleatum” bakteriyası ağız boşluğunda adi simbiont kimi hiss olunmadan yaşaya bilər, lakin yeri düşdükdə periodontitə və ya periodontun iltihabına səbəb ola bilər. Əgər həmin bakteriya qana keçərsə və immunitet onu qanda vaxtında məhv etməzsə, beyinə, qaraciyərə və ürəyə zərər verəcək.

 

Məlumdur ki, periodont xəstəlikləri olan qadınlarda vaxtından əvvəl doğuş riski yüksəkdir – bu halda da səbəbi “Fusobacterium nucleatum” bakteriyasında görürlər. Nəhayət, bu bakteriyaya yoğun bağırsağın bədxassəli şişlərində tez-tez rast gəlinir. Üstündə “Fusobacterium nucleatum” bakteriyasının olduğu şiş hüceyrələri şişdən rahat şəkildə ayrılır və metastatik olur. Bununla bağlı Virginiya Politexnik Universitetindən tədqiqatçıların məqalələri “Science Signaling” jurnalında dərc edilib.

 

“Nauka i jizn” jurnalının məlumatında bildirilir ki, məqalədə insan orqanizmində “Fusobacterium nucleatum” bakteriyası ilə şiş hüceyrələri arasında münasibət izah edilib. Bu bakteriyalar hüceyrələrin səthinə yapışır və hüceyrələr cavab olaraq IL-8 və CXCL1 zülallarını kənara buraxırlar. Bu iki zülal infeksiyaya qarşı immuniteti stimullaşdırır. Lakin o da məlumdur ki, həmin zülalların kombinasiyası xərçəng hüceyrələrini metastatik olmağa yönəldir. Yəni infeksiyadan qorunmağa çalışan xərçəng hüceyrələri həmin immun siqnallarla ətrafdakı hüceyrələri də şişdən ayrılaraq yeni ərazi tutmaq üçün meyilləndirir.

 

Məqalənin müəllifləri qeyd edirlər ki, şiş hüceyrələrini “səyahətə” göndərmək üçün bakteriyaların çox olması vacib deyil.

 

Gələcəkdə tədqiqatçılar “Fusobacterium nucleatum” bakteriyalarının şişdə digər bakteriyalarla (məsələn, bəlkə onunla “müttəfiq”, yaxud onun “düşməni” var) qarşılıqlı təsirdə olub-olmadığını izah etməyi planlaşdırırlar.

ÇOX OXUNANLAR
 Quba Regional Perinatal Mərkəzinin komandası 28-ci həftəsində doğulan körpənin həyatını xilas edib   
Hidrogen xərçəng də daxil olmaqla geniş spektrli xəstəlikləri müalicə edə bilər
Saray Ailə Sağlamlıq Mərkəzinin terapevti Sevinc Zeynalova vəfat edib
Ağcabədi Rayon Mərkəzi Xəstəxanasının kardioloqu - İlqar Quliyev
Hepatoloq Tofiq Əkbərov Türkiyədə XV Beynəlxalq Hepatoloji Konqresdə iştirak edib  
Endokrinoloq mühüm elementi olan “xərçəng əleyhinə” menyu təqdim edib
Şəki Şəhər İcra Hakimiyyəti başçısının müavini onkoloji xəstəlikdən vəfat edib
Həyat yoldaşına böyrəyini bağışladı
Rəşad Mahmudov Lənkəranda Ümummilli Lider Heydər Əliyevin 101 illiyinə həsr olunmuş elmi seminarda çıxış edib
 Tibb Müəssisələrinin Akkreditasiyası və Keyfiyyətə Nəzarət Mərkəzi yaradılır - Fərman
Sumqayıtda tədbir: “Azərbaycan səhiyyəsinin inkişafı Heydər Əliyevin adı ilə bağlıdır” 
 Doğuş prosesini təcili tibbi yardım avtomobilində idarə edən tibb işçiləri təltif olunublar   
Estetik cərrahiyyə və kosmetoloji sahədə qanun pozuntularına yol verən 9 klinika rəhbərliyi məsuliyyətə cəlb olunub
Ordubad Rayon Uşaq Xəstəxanasında məktəb şagirdləri üçün tibbi aksiya təşkil olunub