Uşaq cərrahından xəbərdarlıq: Kriptorxizm vaxtında aşkarlanmasa, sonsuzluq riski artır
02.05.2026 12:32
ATU-nun Tədris Cərrahiyyə Klinikasının uşaq cərrahiyyəsi şöbəsinin müdiri, professor Ramiz Poluxov anadangəlmə inkişaf qüsurlarından biri olan kriptorxizm barədə Aztibb.az-a məlumat verib.
Professorun sözlərinə görə, kriptorxizm xayanın xayalığa (skrotuma) enməməsi ilə xarakterizə olunan anadangəlmə patologiyadır. Normal halda dölün bətindaxili inkişafı zamanı xaya böyrəyin aşağı qütbündən başlayaraq qasıq kanalından keçib xayalığa enir. Bu proses yolunda dayanarsa kriptorxizm, yoldan kənar yerləşərsə isə ektopiya adlanır.
Həkim bildirib ki, təqdim olunan klinik halda xəstədə kriptorxizmin qasıq forması müşahidə edilib: “Bu patologiya ideal olaraq uşağın 1 yaşına qədər aşkarlanmalı və cərrahi müdaxilə olunmalıdır. Lakin bəzi hallarda, o cümlədən bu xəstədə olduğu kimi, problem vaxtında müəyyən edilmir. Müalicə taktikasına gəldikdə isə, xayanın yerləşməsindən asılı olaraq fərqli cərrahi yanaşmalar tətbiq edilir. Əgər xaya qarın boşluğunda yerləşirsə, laparoskopik əməliyyat aparılır. Qasıq kanalında və ya ondan kənarda yerləşdikdə isə açıq cərrahi müdaxilə üstünlük təşkil edir. Bu konkret halda xaya qasıq kanalında yerləşdiyindən açıq əməliyyat icra etmişik”.
R.Poluxov vurğulayıb ki, vaxtında əməliyyat olunmayan hallarda xayanın atrofiyası və gələcəkdə sonsuzluq riski artır. Qarın boşluğunda qalan xayalarda isə şişə çevrilmə ehtimalı mövcuddur. Bundan əlavə, xayanın normal fəaliyyəti üçün onun bədən temperaturundan təxminən 1°C aşağı mühitdə yerləşməsi vacibdir. Yüksək temperatur isə sperma hüceyrələrinə mənfi təsir göstərərək əlavə fəsadlara səbəb ola bilər. Bu baxımdan, inkişaf etməmiş xaya qarın boşluğunda yerləşirsə, onun çıxarılması tövsiyə olunur. İnkişaf etmiş xaya isə vaxtında xayalığa endirilməlidir.
Ramiz Poluxov son illərdə anadangəlmə inkişaf qüsurlarının artdığını da qeyd edib. Onun sözlərinə görə, bu qüsurlar arasında ən çox rast gəlinənlər qasıq yırtıqları, daha sonra isə kriptorxizm və digər əlaqəli patologiyalardır. Bu tip qüsurların yaranma səbəbləri müxtəlifdir və konkret bir səbəb göstərmək çətindir. Genetik faktorlar, hormonal pozğunluqlar və hamiləlik dövründə təsir edən xarici amillər bu prosesdə rol oynaya bilər.
Əməliyyatdan sonrakı dövrə də toxunan professor qeyd edib ki, uşağın bərpa və nəzarət prosesi yetkinlik yaşına qədər davam etməlidir. Əməliyyatdan təxminən 2 ay sonra kontrol müayinəsi aparılır, zərurət olduqda konservativ müalicə təyin edilir və ehtiyac yaranarsa uşaq endokrinoloqa yönləndirilir.
Bu bölməyə aid digər xəbərlər
Xroniki böyrək çatışmazlığından əziyyət çəkən pasiyentdə mürəkkəb endokrin cərrahi əməliyyat uğurla icra olunub
26.06.2026 | 15:07
Pirallahı Tibb Mərkəzində Silahlı Qüvvələr Günü qeyd olunub
26.06.2026 | 14:59
"Həkimlərimizi tanıyaq!" rubrikası təqdim edir: Tibb elmləri doktoru Fuad Qaraqurbanlı
26.06.2026 | 12:44
Zaqafqaziyada ilk: Akademik Topçubaşov adına Elmi-Cərrahiyyə Mərkəzində unikal kraniofasial əməliyyat icra olunub
25.06.2026 | 16:06
“Sağlam gələcək” sosial layihəsinə start verilib
25.06.2026 | 15:43
Aşura Günü çərçivəsində keçirilən qanvermə aksiyasında 1140,3 litr qan toplanıb
25.06.2026 | 14:26
ATU-nun Tədris Cərrahiyyə Klinikasında növbəti uğurlu əməliyyat
25.06.2026 | 12:01
Şuşa RMX-da Silahlı Qüvvələr Günü münasibətilə tədbir keçirilib
25.06.2026 | 10:40
Cəbrayıl rayonunun Şükürbəyli kəndində həkim məntəqəsi istifadəyə verilib
25.06.2026 | 10:28
Gömrük Hospitalının həkimi Hollandiyada Euroanesteziya 2026 konqresində iştirak edib
24.06.2026 | 16:45
ÇOX OXUNANLAR
Elmi-Tədqiqat Tibbi Profilaktika İnstitutu vakansiya elan edir
18.06.2026 | 15:14
17 İyun – Tibb İşçilərinin Peşə Bayramı Günüdür
17.06.2026 | 09:33
Cəbrayıl RMX-da yanğın təhlükəsizliyi və təxliyə qaydaları ilə bağlı təlim keçirilib
26.06.2026 | 13:09
Mərkəzi Klinika vakansiya elan edir
19.06.2026 | 14:24
Azərbaycan tibbində növbəti uğur: Səhiyyə Nazirliyi Bakı Sağlamlıq Mərkəzinin Aritmologiya bölməsi beynəlxalq akkreditasiya alıb
19.06.2026 | 10:00
Gəncədə Dünya Allergiya Həftəsi ilə bağlı tədbirlər təşkil olunur
22.06.2026 | 14:52
ATU-nun Əczaçılıq toksikologiyası və kimya kafedrası əməkdaşlarının ixtirasına Avrasiya Patenti verilib
17.06.2026 | 08:34
Sabunçu Tibb Mərkəzində Tibb İşçilərinin Peşə Bayramı Günü münasibətilə tədbir keçirilib
17.06.2026 | 14:50
TƏBİB kollektivi Fəxri xiyabanı ziyarət edib
17.06.2026 | 14:59
Bu ilin yanvar-may aylarında 18 mindən çox uşağa reabilitasiya xidmətləri göstərilib
22.06.2026 | 11:16
Səhiyyə Nazirliyi Tibb İşçilərinin Peşə Bayramı Gününü qeyd edib
17.06.2026 | 09:48
Bakıda Asiya üzrə Beynəlxalq Ginekologiya Konqresi keçirilib
18.06.2026 | 12:45
Nizami Tibb Mərkəzi onlayn növbə sistemi aktivləşdirilən 4-cü müəssisə oldu
19.06.2026 | 18:23
Laçında tibbi aksiya: 100-ə yaxın vətəndaş tibbi müayinələrdən keçib
23.06.2026 | 15:12
Uşaq sağlamlığı dövlətin gələcəyinə sərmayədir
24.06.2026 | 08:59

