Tədbirlərin əsas məqsədi allergik xəstəliklərin profilaktikası, erkən diaqnostikası, müasir müalicə yanaşmaları və risk faktorlarının idarə olunması sahəsində tibb işçiləri ilə təcrübə mübadiləsi aparmaq, həmçinin vətəndaşları maarifləndirməkdir. Bu fəaliyyətlər çərçivəsində tabeli tibb müəssisələrində çalışan həkim və orta tibb işçiləri üçün allergik reaksiyaların erkən təyini mövzusunda daxili təlimlər təşkil edilir. Həmçinin xəstəxanalara müraciət edən vətəndaşlar və pasiyentlər üçün allergenlərdən qorunma yolları və risk faktorları barədə açıq seminarlar keçirilir. Mövsümi allergiyalar, qida və dərman allergiyalarının qarşısının alınması istiqamətində insanlara praktiki tövsiyələr verilir.