1992-1994-cü illərdə Azərbaycan Dövlət İqtisad Universitetində Kadrların yenidən hazırlanması (ixtisasartırma) üzrə xüsusi fakültədə təhsil alıb. 1990-1993-cü illər də Ə.Əliyev adına Azərbaycan Dövlət Həkimləri Təkmilləşdirmə İnstitutunda aspirant olub.

Dissertasiya işlərini uğurla müdafiə edən Fuad Qaraqurbanlı 1997-ci ildə tibb elmləri namizədi, 2012-ci ildə tibb elmləri doktoru elmi dərəcələrini alıb.

 

O, 1987-1988-ci illərdə Mirqasımov adına Respublika Kliniki Xəstəxanada həkim-intern, 1988-1989-cu illərdə F. Əfəndiyev adına 4 nömrəli Dövlət Xəstəxanasında həkim-LOR, 1989-1990-cı illərdə “Kommuna Park” hövzə poliklinikasında, həkim-LOR, 1999-2000-ci illərdə 19 nömrəli Tibbi-Sosial Müəssisədə həkim-LOR işləyib.  2000-2015-ci illərdə Azərbaycan Respublikası DİN-nin Hospitalında LOR və şöbə müdiri kimi fəaliyyət göstərib.  2016-2020-ci illər ərzində bir neçə özəl klinikalarda çalışıb. 2022-сi ildən “Funda" Hospitalda fəaliyyətini davam etdirir.

 

Fuad Qaraqurbanlı dərc edilmiş 57 əsərin müəllifidir. Onlardan 2-si monoqrafiya, 2-si metodiki tövsiyədir.

 

Həkim Avrasiya və Afrika ölkələrinin Otorinolarinqoloqlar Cəmiyyətinin üzvü və həmsədridir. Həmçinin Azərbaycan Tibb Universitetinin Dissertasiya Müdafiəsi üzrə İxtisaslaşdırılmış Elmi Şuranın üzvüdür.