Hava şəraitinin tez-tez dəyişməsi (bir gün günəşli, digər gün yağışlı və küləkli olması) orqanizmin adaptasiyasını çətinləşdirə və müxtəlif sağlamlıq problemlərinə səbəb ola bilər.

 

Aztibb.az-ın xəbərinə görə, bu səbəbdən aşağıdakı tövsiyələrə əməl etmək vacibdir:

 

Hava şəraitinə uyğun geyinin - Havanın temperaturuna uyğun olaraq geyiminizi tənzimləyin.

İmmunitetinizi gücləndirin - Vitaminlərlə zəngin qidalar (meyvə, tərəvəz), kifayət qədər su qəbulu və balanslı qidalanma immun sistemini dəstəkləyir.

Soyuqdəymədən qorunun - Küləkli və rütubətli havada baş, boyun və ayaqları isti saxlamaq xüsusilə önəmlidir.

Gigiyenaya diqqət edin - Əllərin tez-tez yuyulması virus infeksiyalarının yayılmasının qarşısını almaqda mühüm rol oynayır.

Fiziki aktivliyi unutmayın -  Hətta qısa müddətli gəzintilər belə qan dövranını yaxşılaşdırır və ümumi sağlamlığa müsbət təsir edir.

Kifayət qədər istirahət edin - Yuxu rejiminin düzgün qurulması orqanizmin müqavimətini artırır.

Xəstəlik əlamətləri olduqda həkimə müraciət edin - Özünü halsızlıq, hərarət və ya digər simptomlar hiss etdikdə vaxtında tibbi yardım almaq vacibdir.

Sağlamlığınızı qorumaq üçün hava şəraitinə uyğun davranın və özünüzə diqqət yetirin.