Daha çox Çin mətbəxinə məxsus olan yeməklərdə istifadə edilən qırmızı maya düyü xolesterolun səviyyəsini azaldır. O, xlesterolu aşağı saldığı üçün statinləri əvəz edə bilər.

Aztibb.az-ın xəbərinə görə, qanda xolesterinin çoxluğu zamanla qan damarlarının tıxanmasına, sonda infarkt və insult kimi ciddi xəstəliklərə səbəb olur. Bununla belə, onun qarşısını almağın bir çox üsulu var. Yüksək xolesterolun səbəbi həddindən artıq yağlı yeməklərlə yanaşı, fiziki aktivliyin olmaması, siqaret çəkmək, spirtli içki qəbulu və genetikadan qaynaqlanır. Qırmızı maya düyünün tərkibində təbii statinlər çoxluq təşkil edir ki, onlardan biri də lovastatindir. Bu maddələr xolesterolu azaldan dərmanların tərkibindəki birləşmələrdir. Lovastatin qaraciyərdə xolesterin əmələ gətirən HMG-CoA adlı fermentin güclü inhibitorudur. Qanda iki növ xolesterol var: "yaxşı" və "pis" xolesterol.

"Pis" xolesterin olaraq bilinən aşağı sıxlıqlı lipoprotein qan damarlarının divarlarında yığılır ki, bu da zaman keçdikcə damarların daxili hissəsinin daralmasına səbəb olur. Müqayisə üçün, yüksək sıxlıqlı lipoprotein xolesterolu udaraq qaraciyərə qaytarır və onu aşağı salır. Daha sonra isə qaraciyər onu bədəndən çıxarır.

Məlumat üçün qeyd edək ki, qanda sağlam ümumi xolesterinin səviyyəsi təxminən litr başına 5 millimol (mmol/L) olur.