Özünəməxsus dadı və ətri ilə yay aylarının sevimli bostan meyvəsi olan yemiş bir çox faydalı xüsusiyyətləri ilə seçilir. Tərkibindəki bol lif sayəsində mədə-bağırsaq sisteminin dostu olan bu bitki gözlərə və beyin damarlarına olduqca xeyirlidir. Bol miqdarda beta karotinlə zəngin olduğu üçün xərçəngdən qoruyur, ürək-damar sisteminə müsbət təsir edir. Lakin bəzi insanlara yemiş yemək məsləhət görülmür.

Aztibb.az xəbər verir ki, yemiş yüksək səviyyədə şəkərə malik olduğu üçün qan şəkərini sürətlə artıra bilər. Onun tərkibindəki turşu və lif mədə turşuluğunu artıraraq qastrit, mədə xorası kimi həzm problemlərini qabardır. Bu cür narahatlıqları olan insanlar yemişi ölçülü şəkildə istehlak etməli və ya tamamilə ondan çəkinməlidirlər. Mütəxəssislərin sözlərinə görə, yemiş ağır qida hesab edilir. Bu meyvə kaliumla zəngin olduğundan böyrəklə bağlı xəstəkillərdən əziyyət çəkən insanlar üçün təhlükə yarada bilər. Onu əsasən qida qəbulları arası yemək tövsiyə olunur. Çünki yemişin tərkibində qlükoza hədindən artıq çox olduğu üçün acqarına yeyildikdə boş mədədə zərərli maddələr ifraz edir. Ona görə də yemişi nə acqarına yemək, nə də yeməklə qarışdırmaq olmaz. Xüsusilə, balla qarışdırmaq düzgün deyil, çünki yemişin tərkibində olan bir sıra maddələr bu qida ilə reaksiyaya girərək mədədə yapışqan kimi bərk kütlə əmələ gətirir.