Gözlərin qızartısı qan damarları və ya ürək problemlərinin ilk əlaməti ola bilər.

Aztibb.az-ın məlumatına görə, bu barədə paylaşım edən həkim Camilya Lovpaçe bildirib ki, bu fenomen aterosklerozun mövcudluğunu göstərə bilər.

Həkimin sözlərinə görə, gözlərdə qızartı və damarların böyüməsi bəzən müalicəsi mümkün olmayan ağır və uzunmüddətli xəstəliklərdən xəbər verir ki, bu zaman damar pozğunluqları əsas rol oynayır. Belə xəstəliklərə hipertoniya, ateroskleroz, diabetes mellitus və qlaukoma daxildir:

"Bu şəraitdə qan damarlarının divarları elastikliyini itirir və kövrək olur. Bu isə, təzyiq dəyişdikdə damarların həcminin artmasına və onların qanla daşmasına səbəb ola bilər. Gözlərin qızartı ağrı və görmə qabiliyyətinin pisləşməsi ilə müşayiət olunduqda xüsusilə təhlükəlidir.

Belə hallarda dəqiq diaqnoz qoymaq və müvafiq müalicəni təyin etmək üçün ən qısa müddətdə bir mütəxəssislə əlaqə saxlamaq lazımdır".

C.Lovpaçe əlavə edib ki, əksər hallarda göz damarlarının genişlənməsinə mənfi hava şəraiti (quru və ya soyuq hava, külək), toz, tütün tüstüsü, quru göz sindromu, iltihabi proseslər, zədələr və ya allergik reaksiyalar kimi xarici amillər səbəb olur. Hətta sadə yorğunluq və yuxu olmaması da gözlərin qızarmasına səbəb ola bilər.