"Mavi Kod" (Həyati Risk) tənəffüs və ürək dayanması kimi həyati təhlükə yaradan hallarda verilən təcili xəbərdarlıq sistemidir.

Aztibb.az xəbər verir ki, "Mavi Kod" sistemi xəstəxana daxilində ən qısa müddətdə və düzgün yardımın göstərilməsi məqsədilə yaradılmışdır. Hadisə zamanı mavi kod çağırışı və ya xəbərdarlıq sisteminin aktivləşməsi üçün rəhbərlik tərəfindən xəstəxananın infrastrukturuna daxil edilən aşağıdakı cihaz və vasitələr istifadə olunur: xüsusi anons sistemi (rupor), çağrı cihazı (peycer), telefon, ağıllı saat, SMS və digər müvafiq kommunikasiya vasitələri. Bu sistemlər xəstəxana daxilində operativ əlaqə və xəbərdarlıq üçün hazır vəziyyətdə saxlanılır.

Xəbərdarlıq verildikdən sonra ən geci 3 dəqiqə ərzində kardiopulmonar resusitasiya (CPR) tədbirləri həyata keçirilir.

Beləliklə, "Mavi Kod" sistemi xəstəxana daxilində həyat təhlükəsi olan vəziyyətlərdə operativ yardımın göstərilməsi üçün mühüm xəbərdarlıq və çağırış mexanizmidir.