Elm adamları yoxsulluğun qocalmanı sürətləndirdiyini sübut ediblər.

Aztibb.az xəbər verir ki, bu barədə məlumat "Nature" jurnalında dərc edilən  elmi araşdırmada yer alıb.

Araşdırmalara görə, yoxsulluq kimi sosial bərabərsizliklər və siyasi problemlər qocalmanın sürətlənməsinə kömək edir. Bildirilir ki, həm sosial bərabərsizliklər, həm də demokratik təsisatların iflası qida çatışmazlığına və səhiyyə xidmətlərinin əlçatan  olmamasına gətirib çıxarır. Digər yaşlanma faktorları isə yüksək qan təzyiqi, eşitmə itkisi, ürək xəstəlikləri, piylənmə, spirt istehlakı, yuxu problemləri, diabet və görmə pozğunluğudur.

Hesablamalara görə, ən sürətli qocalma Misir və Cənubi Afrikada, ən ləng isə Avropada müşahidə olunur. Mütəxəssislər söyləyirlər ki, təhsil insanları sürətlə qocalmaqdan qoruyan ən mühüm amillərdən biridir. Maarifləndirici təhsil insanların özlərinə daha yaxşı qayğı göstərmələrinə və səhiyyə xidmətlərindən istifadə etmələrinə yol açır. Bundan əlavə, gündəlik fəaliyyətləri yerinə yetirmək bacarığı, güclü idrak qabiliyyətləri, yaxşı yaddaş, fiziki fəaliyyət də sürətlə qocalmadan qoruyur.