Yəqin ki, "gecə saç daramaq olmaz" inancı hər kəsə tanışdır. Ta qədimdən nənələrimiz bu  nəsihəti  bəzən qorxulu nağıllarla, bəzən də görünməyən varlıqlarla əlaqələndirirdilər. Bəs görəsən, bu inancın arxasında hansı səbəblər dayanır?

Aztibb.az xəbər verir ki, Azərbaycan da daxil olmaqla, bir çox Şərq xalqlarında gecə saç daramaqla bağlı müxtəlif fikirlər yayılıb. Nənələrin dilində bu cümlə tez-tez səslənib: "Gecə  əlinə daraq alma, şeytan saçına dolaşar". İnanclara görə, gecələr - xüsusilə gün batandan sonra - bəd ruhların aktivləşdiyi vaxt sayılır. Bu saatlarda aynaya baxan, saç darayan, dırnaq kəsən insanların ruhlar aləminə "dəvət" olunduğu düşünülür. Digər bir inanc isə belədir: "Saçını gecə darasan, ömrünü qısaldarsan".

Bu deyimlərlə insanların şüuraltına qorxu aşılanır, gecə vaxtı öz bədəninə toxunmaq, bəzənmək və ya fərdi baxım etmək qadağan edilir. Elm isə bu məsələyə daha rasional yanaşır. Trixoloqlar (saç və baş dərisi üzrə mütəxəssislər) bildirirlər ki, gecə saatlarında saçlar daha kövrək olur. Bu, gün ərzində saçların yüklənməsi, yorulması və dərinin nisbətən susuz qalması ilə əlaqədardır. Mütəxəssislərin fikrincə, axşam saatlarında saçın elastikliyi azalır. Saç dərisi gün ərzində toplanan yağ və tozla yüklənmiş olur. Bu zaman saçı daramaq onun daha çox qırılmasına, hətta köklərdən qopmasına səbəb olur. Üstəlik, yuxudan əvvəl saç daramaq beyinə stimul g