Psoriaz – əsasən dəridə səpgilər və qabıqlanma ilə özünü göstərən, xroniki, qeyri-infeksion, iltihabi bir xəstəlikdir. Xəstəliyin yaranma səbəbləri tam bilinməsə də genetik meyillilik, immun sistemin disbalansı və stres faktorları psoriazın alovlanmasında mühüm rol oynayır.

 

Aztibb.az-ın xəbərinə görə, ənənəvi (klassik) təbabətdə psoriaz əsasən hormonal və immunosupressiv dərmanlarla müalicə olunur. Lakin bu yanaşma çox zaman yalnız müvəqqəti effekt verir və ciddi yan təsirlərlə müşayiət oluna bilər.

 

İnteqrativ tibbin yanaşması fərqlidir:

 

Bioloji təbabət və inteqrativ tibb yanaşması psoriazı yalnız simptom deyil, kompleks orqanizmin disbalansı kimi qiymətləndirir. Bu səbəbdən müalicə yalnız dəriyə deyil, bütün orqanizmin sistemlərinə yönəlir. Məqsəd immun sistemini balanslamaq, iltihabı azaltmaq, bağırsaq və qaraciyər kimi detoks orqanlarını dəstəkləmək, sinir sistemində tarazlığı bərpa etmək və xəstəliyi alovlandıran səbəbləri aradan qaldırmaqdır.