“Ozempik”in daha təsirli analoquna çevrilə bilən MariTide adlı dərman hazırlanıb.

Aztibb.az-ın www.sciencealert.com-a istinadla məlumatına görə, testin nəticələri "New England Journal of Medicine" jurnalında dərc olunub.

Klinik sınaq nəticələrinə görə, MariTide-ni qəbul edən xəstələr bir il ərzində bədən çəkisinin 16,2 faizini itirib. 

Sınaqın ikinci mərhələsində bədən kütləsi indeksi 30-dan yuxarı olan, bəzilərinə 2-ci tip şəkərli diabet diaqnozu qoyulmuş 592 nəfər iştirak edib.

MariTide, iştahı azaldan toxluq hormonu GLP-1-i təqlid edir. Dərmanın üstünlüyü ondadır ki, ayda yalnız bir inyeksiya kifayətdir.

Klinik sınaqların üçüncü mərhələsi 72 həftə davam edəcək.