Polşanın Poznan Universitetinin tədqiqatçıları isti havalarda insanların emosional olaraq həddindən artıq aqressivləşdiklərini müəyyən ediblər.

Aztibb.az xəbər verir ki, bu kəşf uzun illər alimlərin diqqətini cəlb edən psixoloji məqamlara işıq sala bilər.

Araşdırmanın nəticələri göstərib ki, bu, temperatur yüksəldikcə, qanda stress hormonu - kortizolun artımı ilə bağlıdır. Qışda orqanizmdə kortizol səviyyəsi yaydan xeyli aşağı olur. Məhz istiliyin təsiri altında stres hormonu yığılmağa başlayır ki, bu da insan davranışına mənfi təsir göstərir. Bu kimyəvi maddə şəkər, duz və mayelərin bədənimizin bütün sistemlərindən keçməsini tənzimləmək üçün lazımdır. "Bizim araşdırmamız yayın insan psixikasına mülayim, qışın isə daha şiddətli təsiri ilə bağlı ənənəvi konsepsiyaya tamamilə ziddir", - deyə alimlərdən biri qeyd edib.

Çoxsaylı nəzəriyyələrə görə, havanın temperaturunun qalxması həmçinin ürək döyüntüsü, testosteron səviyyəsinin artması və simpatik sinir sisteminə təsir edən digər metabolik reaksiyalara səbəb olur.