İngiltərənin Nottingham Trent Universiteti və Hindistanın Thiagarajar İnstitutunun alimləri tez-tez selfi (selfie) çəkib sosial mediada paylaşmağı vərdiş edənlərin "Selfitis" xəstəliyinə tutulma riskinin çox olduğunu və onların psixoloji yardıma ehtiyac duyduqlarını bildiriblər.

Aztibb.az xəbər verir ki, bu barədə "The Daily Telegraph" qəzeti məlumat yayıb.

Selfitis termini ilk dəfə 2014-cü ildə işlədilib və xəstəliyin ciddiliyinin qiymətləndirilməsi üçün Selfitis Davranış Şkalası yaradılıb. Araşdırmalara cəlb edilən iştirakçıların çoxu Hindistandan olub. Çünki selfi çəkənlərin böyük qismi bu ölkədəndir. Hesablamalara görə, təhlükəli yerlərdə selfi çəkərkən ölənlərin çoxu Hindistanın payına düşür. Mütəxəssislər bu narahatlığın səbəbinin özünəinam  əskikliyi, diqqətçəkmə istəyindən irəli gəldiyini düşünürlər. Xəstəliyin üç səviyyəsi müəyyən edilib: gündə ən az 3 dəfə selfi çəkənlər, amma hamısını sosial mediaya qoymayanlar; Gündə ən az 3 selfi çəkib hər birini sosial mediaya yerləşdirənlər; Həddindən artıq selfi çəkənlər və gündə ən az 6 dəfə sosial mediada paylaşanlar.