Məlumdur ki, yuxusuzluq ürək sağlamlığına, yaddaşa, öyrənmə qabiliyyətinə və əhvali-ruhiyyəyə mənfi təsir göstərir. Elm adamları bu problemlə mübarizə aparmağın təbii yolunu kəşf ediblər. Araşdırmalar göstərib ki, meyvə-tərəvəz istehlakı yuxu keyfiyyətini xeyli artırır.

Aztibb.az xəbər verir ki, gün ərzində daha çox meyvə və tərəvəz yeyənlərin gecə daha dərin və fasiləsiz yuxu keçirdiyi müşahidə olunub. Alimlər bildiriblər ki, taxıl kimi sağlam karbohidratlar qəbul edənlər də daha yaxşı yuxu tapırlar. Ümumilikdə tədqiqatçılar hesablayıblar ki, gündə təxminən 500 qram meyvə-tərəvəz yeyən insanların yuxu keyfiyyəti onları qəbul etməyənlərlə müqayisədə 16 faiz daha çoxdur. Araşdırma zamanı, həmçinin məlum olub ki, həm çox sürətli, həm də çox yavaş yuxuya getmə sağlamlıq problemlərindən xəbər verə bilər.