Madrid Muxtar Universitetinin alimləri belə qənaətə gəliblər ki, mehriban və xeyirxah insanların pis niyyətli şəxslərlə müqayisədə sağlamlıq baxımından çox böyük üstünlükləri var.

Aztibb.az xəbər verir ki, ekspertlərin fikrincə, mehriban və ünsiyyətcil insanlar aqressiv insanlarla müqayisədə ürək-damar xəstəliklərinə daha az məruz qalırlar. Bundan əlavə, onlar  uzunömürlü olurlar. Araşdırmalar göstərib ki, hirsli insanlar mehriban insanlardan fərqli olaraq emosional rifahın və xoşbəxtliyin nə olduğunu başa düşmürlər. Onlarda daim yüksək səviyyədə kortizol hormonu və zülal fibrinogen var ki, bu da qan laxtalanması, insult və infarkt riskini artırır. Ümumiyyətlə, belə insanların həyat keyfiyyəti xeyli aşağıdır.