Mütəxəssislərinin qənaətinə görə, oynaqların sağlamlığını qorumaq üçün gündəlik qida rasionunda cəfəri, sarıkök, ispanaq, paxlalılar, quru meyvələr, qoz-fındıq, tum kimi məhsullara üstünlük verilməlidir.

Aztibb.az xəbər verir ki, orqanizm müxtəlif mənbələrdən kifayət miqdarda protein qəbul etməlidir: bulyon, paxlalılar, süd məhsulları və s. Lakin bu o demək deyil ki, qidadan gələn zülalın hamısı qana daxil olur, əvvəlcə o, ayrı-ayrı amin turşularına, daha sonra isə peptidlərə (kiçik amin turşuları zəncirlərinə) parçalanır. Bundan sonra oynaqlar özünə lazım olan zülalları yaradır. Oynaqların sağlamlığı üçün həmçinin fiziki aktivlik və çəkinin normada saxlanılması da vacibdir. Belə ki, hər əlavə kiloqram oynaqlara yükdür. Süd məhsulları oynaqlar və sümüklər üçün zəruri olan kalsiumun ən yaxşı mənbəyidir. Oynaq displaziyası zamanı pəhrizdə kifayət qədər maqnezium (cəfəri, ispanaq, paxlalılar, quru meyvələr, qoz-fındıq, tum) olmalıdır.