Adətən qırmızı ət istehlakı ilə bağlı xəbərdarlıqlar kişilərə ünvanlanır. Bu dəfə isə elm adamları qadınlara xəbərdarlıq ediblər.

Aztibb.az xəbər verir ki, Böyük Britaniyanın Lids Universitetinin mütəxəssisləri qırmızı ətin həddindən çox istehlakı ilə qadınlarda kolon xərçənginin yaranması arasında əlaqə tapıblar.

Bu qənaəti 17 il ərzində 32 min qadının müşahidəsi zamanı əldə edilən rəqəmlər təsdiqləyir. Mütəmadi olaraq qırmızı ət (mal əti, donuz əti, quzu əti) yeyən 335 nəfərdə kolon xərçəngi aşkarlanıb. Tədqiqatçılar qeyd edirlər ki, əldə etdikləri nəticələrin təsdiqi üçün əlavə araşdırmalara ehtiyac var. Eyni zamanda onlar bildiriblər ki, ailəsində bağırsaq xərçəngi olanlar qırmızı ətdən imtina etmək barədə düşünməlidirlər.

Qeyd edək ki, ÜST qırmızı ətdən tamamilə imtina etməyin də düzgün olmadığını qeyd edir.