Otorinolarinqoloq Tamerlan Bədəlovun sözlərinə görə, insanda sümük və qığırdaq toxumasının inkişafı 17-18 yaşa qədər davam etdiyi üçün əməliyyatın da məhz bu yaşdan sonra edilməsi məqsədəuyğun hesab edilir. Lakin mütləq deyil ki, 18 yaşında əməliyyat olunmalıdır. Əgər çəpər əyriliyi ilə bağlı ciddi problem varsa, daha erkən yaşda da, məsələn, 10-15 yaşlarında da cərrahi üsula müraciət edilə bilər. Hər hansı bir əks-göstəriş və ya xəstəlik yoxdursa, cərrahi əməliyyat üçün yuxarı yaş həddi yoxdur.

 

Mütəxəssis vurğulayıb ki, burunda çəpər əyriliyi bir sıra fəsadlara səbəb ola bilir. Məsələn, yatan zaman xoruldama, qulaqda maye yığılması meydana gələ bilər, həmçinin insanda burun tıxanıqlığı olduğundan o, davamlı olaraq ağızdan nəfəs almağa başlayır. Bu da öz növbəsində faringitə səbəb ola bilər. Bütün bu hallar isə sonradan müxtəlif ağırlaşmalara səbəb ola bilər.