Sümük yaşı, uşaqların boy və cinsi inkişaf problemləri zamanı gələcək boyu təxmin etmək, həmçinin mövcud cinsi inkişafın gedişatını qiymətləndirmək üçün istifadə olunan bir göstəricidir.

Aztibb.az xəbər verir ki, sümük yaşını müəyyən etmək üçün sol əl biləyinin rentgen şəkli çəkilir. Bu rentgen şəklindəki sümüklərin inkişaf mərhələsi beynəlxalq səviyyədə qəbul edilmiş atlaslara əsasən qiymətləndirilir. Ən çox istifadə olunan atlas Greulich-Pyle atlasıdır.

Rentgen olunmuş əldəki sümüklərin inkişaf mərhələləri dəyərləndirilərək təxmini sümük yaşı hesablanır. Əl və bilək sümüyündə bir çox sümük olduğu üçün hər birinin sümük yaşı fərqli ola bilər. Həkim öz təcrübəsinə əsasən bu fərqli dəyərlərin ortalamasını çıxararaq təxmini bir sümük yaşı müəyyənləşdirir.