Son dövrlər görmə zəifliyi olan insanların nəzərəçarpacaq dərəcədə artdığı müşahidə olunur. Yaponiyanın "ViXion" şirkəti bu problemi olanlara kömək edəcək inqilabi yeniliyə imza atıb. Belə ki, şirkət görmə qabiliyyətinə uyğunlaşan ikinci nəsil "ViXion01S" eynəklərini təqdim edib.

Bu barədə Aztibb.az 4pda.to-ya istinadla xəbər verir.

Həm uzaq, həm də yaxını görmə problemi olanlar üçün avtomatik uyğun olan eynəklər fokus məsafəsini 5 santimetrdən "sonsuzluğa" qədər tənzimləyə bilir. Dioptriya aralığı isə -10-dan +10-a qədərdir. Cihaz çərçivə ilə birlikdə cəmi 47 qram ağırlığındadır. USB vasitəsilə enerji yığan texnologiya elektrikə qoşulmadan 15 saata qədər işləyə bilir. Məlumata görə, yeni məhsul yaxında satışa çıxarılacaq və qiyməti isə 500 dollar təşkil edəcək.