Fərqli bir dadlı, zəngin tərkibli matça çayı piyləri əridir, yağların sorulmasını ləngidir, xolesterini tənzimləyir, dərini yeniləyir və ləkələrin qarşısını alır. Bu yapon yaşıl çayı təbii antioksidant mənbəyidir.

Aztibb.az xəbər verir ki, matçanın tərkibindəki təbii maddələr qocalmanı sürətləndirən sərbəst radikalları neytrallaşdırır. Bu barədə dietoloq və qastroenteroloq Yekaterina Kilipko məlumat verib. Onun sözlərinə görə, matça katexin adlanan təbii üzvi maddələrlə zəngindir. İçki xüsusilə sərbəst radikalları zərərsizləşdirən maddələrlə zəngindir. Bu sərbəst radikallar yığılaraq hüceyrə quruluşunu zədələyə bilər.

Matça müntəzəm istehlak edildikdə qocalmanı ləngidir və xroniki xəstəliklərin inkişaf riskini azaldır. Həkim gündə bir və ya iki stəkan matça içməyi məsləhət görür. Həkim xəbərdarlıq edib: “Bir payda 60–100 millilitr suya tökülən 1–2 qram üyüdülmüş yaşıl çay olur. Lakin nəzərə almaq lazımdır ki, matçanın tərkibində kofein var, ona görə də həddindən artıq içildikdə ürək döyüntülərinin artmasına və yuxu pozulmasına səbəb ola bilər. Kofein tərkibli məhsullar saat 16:00-dan əvvəl qəbul edilməlidir”.

O əlavə edib ki, ürək-damar, böyrək və qaraciyər problemi olan xəstələr içkidən ehtiyatlı olmalıdırlar. Belə narahatlığı olanlar gündə 1 stəkandan çox matça içməməlidir.