Mütəxəssislər genetik olaraq keçəlləşməyə meyilli olan kişilərdə infarkt və insulta daha çox rast gəlindiyini aşkar ediblər. Onlar saçların tökülməsini damarlarda aterosklerozun olması ilə əlaqələndiriblər.

Aztibb.az-ın xəbərinə görə, sutkanın müxtəlif vaxtlarında yuxuya gedən, gecə yuxusunu normal almayan, çox az yatan insanlarda da insult və infarkt riski yüksəkdir. Bu adamların damarlarında 2 dəfə artıq xolesterin tıxacları yarana bilir.

Orqanizmi infarkt, insultla üz-üzə qoyan digər məqamlardan biri də qalxanabənzər vəzi problemidir. Belə ki, hormonlar xolesterin sintezində mühüm rol oynayır. Əgər vəzi zəif işləyirsə, orqanizm kompensasiya məqsədilə xolesterini aktiv şəkildə ehtiyata yığır. Bundan əlavə, çox stres, iltihab da aterosklerozun yaranmasına gətirib çıxarır.