Almaniyanın Virtsburq Universitetinin alimləri arıların iqlim dəyişikliyi və torpaq istifadəsinin birgə təsirindən xüsusilə zərər çəkdiyini müəyyən ediblər.

Aztibb.az ioengineer.org-a istinadla xəbər verir ki, Bavariyada 179 fərqli ərazidə aparılan araşdırma göstərib ki, arıların sayı və müxtəlifliyi isti gecələrdə və şəhər mühitində əhəmiyyətli dərəcədə azalır.

Meşəlik sahələrdə isti havaya daha yaxşı uyğunlaşan arılar şəhərlərdə 65% azalma göstərib. İstər gündüz, istərsə də gecə temperaturunun artması gündəlik aktiv olan bu canlıların fiziologiyasına mənfi təsir edir. Alimlər bildirirlər ki, iqlim dəyişmələri ilə torpaq istifadəsinin birgə təsiri yalnız arılara deyil, təbii zərərvericilərlə mübarizə aparan digər həşəratlara da zərbə vurur. Ən yaxşı nəticələr isə təbii və kənd təsərrüfatı sahələrinin birləşdiyi ərazilərdə müşahidə olunub. Tədqiqatçılar ekosistem xidmətlərinin davamlılığı üçün təbii yaşayış mühitlərinin qorunmasının və kənd təsərrüfatı ilə şəhər planlamasında bu amilin nəzərə alınmasının vacibliyini vurğulayırlar.