Mütəxəssislər balıq məhsullarından imtina edənlərdə saç tökülməsi probleminin qaçılmaz olduğunu söyləyirlər. Bəzi insanlar saçlarının qalınlığını bərpa etmək üçün kosmetik prosedurlara çox pul xərcləməyə məcbur olurlar: maskalar, mezo, plazma və s.

Aztibb.az xəbər verir ki, son zamanlar bir çox pəhriz üsullarına müraciət olunur. Bu səbəbdən bəzi insanlar nadir hallarda balıq yeyir və ya qırmızı əti hinduşka, toyuq ilə əvəz edirlər. Bu isə qanda müəyyən vitamin və mikroelementlərin çatışmazlığına, nəticədə saçın quruluşuna təsir edir. Üstəlik stresli iş və gündəlik qayğılar problemi daha da ağırlaşdıra bilər. İnsanların böyük bir qismi bu vəziyyətlə təkbaşına mübarizə aparmaq istəyirlər: vitaminlər, qan dövranını yaxşılaşdırmaq üçün müxtəlif vasitələr və ya saç maskalarından istifadə edirlər və s.

Lakin belə üsullar yalnız müvəqqəti təsir göstərir - problemin özü daha ciddi yanaşma tələb edir. Bu halda mütəxəssisə müraciət etmək və gündəlik qida rasionuna fikir vermək tövsiyə olunur.