Arıqlamaq istəyənlərin tez-tez üstünlük verdiyi arıqlama iynələri nəzarətsiz istifadə nəticəsində ciddi sağlamlıq problemlərinə səbəb olur. Xüsusilə sosial media və məşhurlar dünyasında sürətlə yayılan bu üsul üz, əl və ayaqlarda əzələ itkisi, sifətin çökməsi kimi ciddi yan təsirləri ilə gündəmə gəlir.

Aztibb.az-ın medimagazin.com.tr-yə istinadla xəbərinə görə, mütəxəssislər arıqlama inyeksiyalarının ürək ritminin pozulması, həzm sistemi problemləri, mədə və bağırsaq ağrıları, əzələ atrofiyası kimi ciddi sağlamlıq problemlərinə yol açdığını vurğulayırlar. Mütəxəssis nəzarəti olmadan istifadə edilən bu dərmanlar qan şəkəri balansının pozulması və pankreas funksiyalarının pozulması kimi risklər dəgətirir.

Endokrinologiya və Metabolik Xəstəliklər Mütəxəssisi, prof. Ela Keskin arıqlama inyeksiyalarının nəzarətsiz istifadəsinin "Ozampik üzü" olaraq bilinən üzdə sallanma görünüşünə səbəb olduğunu bildirib: "Bu iynələr qəfil əzələ parçalanmasına, qan şəkərinin aşağı düşməsinə və həzm problemlərinə səbəb ola bilər". 

Mütəxəssislərin fikrincə, arıqlama inyeksiyaları yalnız bədən kütləsi indeksi (BKİ) 30-dan yuxarı olan kök insanlarda və ya əlavə xəstəlikləri olan və 35-dən yuxarı BKİ olan xəstələrdə istifadə edilməlidir.

Diabet və piylənmənin müalicəsi üçün hazırlanmış bu dərmanların hər kəs üçün əlçatan olması sağlamlıq üçün böyük risk yaradır.