Yəqin ki, kişilər bu xəbəri oxuduqdan sonra artıq qadınları çox yatmaqda ittiham etməyəcəklər. Çünki bu yaxınlarda aparılan araşdırmada onların daha çox yuxuya ehtiyac duyduqları məlum olub.

Aztibb.az xarici mətbuata istinadla bildirir ki, tədqiqat müəllifi doktor Patrik Flinn bunun səbəblərini açıqlayıb: "Qadınlarda hormonlar və böyrəküstü vəzilərin iş prinsipi fərqli olduğu üçün onlara daha uzunmüddətli yuxu lazımdır. Kişilər sutkada 7-8 saatdan 1 saat az da yatsa kifayətdir. Qadınlara isə 8 saatdan 10 saata kimi yuxu lazımdır. Məsələ hormonal rezervdədir. Kişilərdə hormonlar həm böyrəküstü vəzilərdə, həm də cinsiyyət orqanlarında hasil olur. Bundan əlavə, onlarda hormonlar həm oyaq halda, həm də yuxuda sintez olunur. Qadınlarda isə bütün vacib hormonlar yuxu zamanı böyrəküstü vəzilər tərəfindən hazırlanır. Bu səbəbdən də onlara 8 saatdan çox, xüsusən gecə yuxusu vacibdir".