Son illər xüsusilə COVID-19 xəstəliyini ağırlaşmış şəkildə keçirən insanlar və mütəmadi olaraq siqaret istifadə edən şəxslər arasında ağciyər xərçəngi diaqnozunun qoyulduğu hallar artmaqdadır. Təəssüf ki, bu göstərici artıq həm kişilər, həm qadınlar arasında müşahidə olunmaqdadır.

Aztibb.az-ın məlumatına görə, CYFRA 21-1 (Sitokeratin 19 fraqmenti) testi ağciyər, qida borusu və sidik kisəsi xərçənglərinin diaqnostikasında və monitorinqində istifadə olunan spesifik onkomarkerlərdən biridir. CYFRA 21-1 testi xüsusilə skuamoz hüceyrəli ağciyər xərçəngi üçün ən yüksək həssaslığa malikdir.

Bronxların xərçəngində CYFRA 21-1 testinin həssaslığı, daha öncə istifadə olunan CEA və SCC kimi digər markerlərlə müqayisədə çox yüksəkdir.

CYFRA 21-1 və CA 15-3 birgə təyini süd vəzi xərçənginin mərhələlərinin dəyərləndirilməsində də mühüm əhəmiyyət kəsb edir.

CYFRA 21-1 testi NSCLC (kiçik hüceyrəli olmayan ağciyər xərçəngi) diaqnostikasında spesifik onkomarker sayılır.

Lakin test nəticələri bədxassəli xəstəliyin olub-olmamasının diaqnozunun qoyulmasında tək test kimi dəyərləndirilə bilməz.