Ayaqların ödemləşməsi, maye yığılması qaraciyər xəstəliyi, iltihabı və piylənməsində, eləcə də sirrozda ola bilər.

Bu barədə Aztibb.az-a məlumat verən Diaqnoz Tibb Mərkəzində Baş həkimin müalicə işləri üzrə müavini, terapevt-hepatoloq Tofiq Əkbərov bildirib qeyri-alkoqol mənşəli steatohepatit zamanı qaraciyər daha çox sirroza meyillənir. Qaraciyərdə baş verən proseslər fiziki simptomlar verir.

Onun sözlərinə görə, belə piylənmə və sirroz zamanı ayaqlar və qarın qəfildən şişə bilər. Bu, qaraciyərdən gələn qanı qəbul edən venalarda daxili təzyiqin yüksəlməsinə görə baş verir.

Tofiq Əkbərov əlavə edib ki, sirrozun digər əlamətləri – dəridə, ayaqlarda hörümçək toruna bənzər damarlar, sarılıq, qaşınma, arıqlama, iştahsızlıq, yorğunluqdur: "Qaraciyərin qeyri-alkoqol steatohepatitin qarşısını almaq üçün yemək porslarını azaltmaq, kiçiltmək, çəkini normadan saxlamaq, sağlam qidalanma lazımdır".