"İctimai sağlamlıq” (“Public Health”) jurnalının ilk buraxılışı işıq üzü görüb.

Aztibb.az-ın xəbərinə görə, nəşrin baş redaktoru ATU-nun İctimai sağlamlıq və səhiyyənin təşkili kafedrasının professoru Rafiq Çobanovdur.

Jurnalda Azərbaycan, rus və ingilis dillərində məqalələr yer alıb. Məqalələrin müəllifləri azərbaycanlı mütəxəssislərlə yanaşı, həm də Türkiyə, Qazaxıstan, Özbəkistan, Rusiya, Moldova kimi ölkələrin tanınmış ekspertləridir.

Nəşrin hazırlanmasında əsas məqsəd ölkədə və regionda ictimai sağlamlığın inkişafına töhfə verməkdir.

Gerontologiyanı, həmçinin bir çox başqa sahələri əhatə edən jurnal bütün tibb sahəsində çalışanlar üçün faydalı olacaq.

Jurnalda ATU-nun magistratura pilləsini bitirən məzunların dissertasiya işləri də yer alacaq.