Alimlər artıq çəki ilə mübarizə aparmağa kömək edəcək pereparat yaradıb.
Aztibb.az MIGnews.com-a istinadən xəbər verir ki, bu barədə Amerika Birləşmiş Ştatlarının Milli Elmlər Akademiyasının "Proceedings" elmi jurnalında məlumat dərc edilib.
Məlumata görə, bu iynə maddələr mübadiləsini sürətləndirməyə və çəkini azaltmağa kömək edən bir antikordur. Bir iynənin vurulması arıqlamağa kifayət edir və təsiri 60 günə qədər davam edir.
Qeyd edilib ki, antikorun klinik sınaqları davam edir.
Xatırladaq ki, Sinqapurdakı Nanyang Texnoloji Universitetinin mütəxəssisləri idman etmədən 30%-ə qədər arıqlamağın yolunu tapıb. Alimlər hər biri insan saçından daha incə olan çoxsaylı mikroiynələrli xüsusi yapışdırıcı yaradıb. İynələrdə enerjiyə qənaət edən ağ yağları enerji yandıran qəhvəyi yağa çevirən maddə var. Siçanlarda aparılan araşdırma, yapışdırıcının taxılmasının beşinci günündən kilo itkisinin başladığını göstərib.
