"Əgər siz vaxtından əvvəl bədəninizdə tromb təhlükəsi olduğunuzu bilsəniz, özünüzün və doğmalarınızın həyatını qurtara bilərsiz", -deyən uzman həkim kimlərdə tromb riskinin yüksək olduğunu açıqlayıb.

 

Cabir Gülmalıyev bildirib ki, artıq çəkili və piylənməsi olanlarda, ayaqlarına daha çox yük düşən şəxslərdə, qeyri-sağlam həyat tərzi keçirənlərdə, eləcə də uzun müddət hərəkətsiz və ya yataq rejimində olanlarda tromb riski yüksəkdir. Həmçinin uzun müddət hormon əvəzedici terapiya və ya doğuşa nəzarət həbləri qəbul edənlər (estrogen tərkibli), aşağı ətraflarda ortopedik, travmatoloji cərrahiyyə əməliyyatı keçirən insanlar, dərin vena trombozu və ya ağciyər emboliyası tarixi olanlar, xərçəng xəstələri, irsi və ya qazanılmış qanın laxtalanma pozğunluğu olan şəxslər risk qrupuna daxildirlər.