Beynəlxalq Tibbi və Humanitar Təşkilatlar İttifaqının (UOSSM) nümayəndəsi Yunus əl-Hac Salih Qəzza zolağında əsl humanitar və sağlamlıq fəlakətinin olduğunu və bir neçə səhra xəstəxanasına ehtiyac duyulduğunu bildirib.
Aztibb.az-ın medimagazin.com.tr-yə istinadla xəbərinə görə, UOSSM heyətinin Qəzzada yüngül yaralılara ilk yardım üçün 4 nöqtə yaratmağı hədəflədiyini qeyd edən Salih, dərin yarası olmayan xəstələrə xidmət göstərərək bölgədə fəaliyyətini davam etdirən xəstəxanaların yükünü yüngülləşdirməyə çalışacaqlarını deyib.
O, məhdud imkanlarla xidmət etməyə davam edən xəstəxanalarda həddindən artıq sıxlığın olduğunu və bunun qarşısını almaq üçün ilk yardım məntəqələrinin yaradılması fikrinin ortaya çıxdığını ifadə edib: "Bu addımla xəstəxanalardakı sıxlıq azalacaq və tibbi personal yaralılara daha yaxşı xidmət göstərmək imkanı əldə edəcəklər".
