Bu məlumat Aztibb.az-a Naxçıvan Muxtar Respublikası Səhiyyə Nazirliyindən verilib.

 

Konfransın açılışında Naxçıvan Muxtar Respublikası səhiyyə nazirinin birinci müavini, nazir vəzifələrini icra edən Samiq Sadıxov və Azərbaycan Respublikası Səhiyyə Nazirliyi Elmi-Tədqiqat Ağciyər Xəstəlikləri İnstitutunun direktoru, tibb üzrə fəlsəfə doktoru İradə Axundova çıxış edərək konfransın işinə uğurlar arzulayıblar.

 

Tədbirdə mövzu haqqında geniş məruzələr dinlənilib. İradə Axundova “Ölkə səhiyyəsində vərəmlə mübarizənin gücləndirilməsi və müalicəsinin optimallaşdırılması: İlkin Səhiyyə Xidmətinin Universal Sağlamlıq Əhatəsinə doğru çıxışı”, Naxçıvan Muxtar Respublikası Ağciyər Xəstəlikləri Dispanseri Publik Hüquqi Şəxsin baş həkimi Günay Quliyeva “Naxçıvan Muxtar Respublikasında vərəmin epidemiologiyası”, Elmi-Tədqiqat Ağciyər Xəstəlikləri İnstitutunun Konsultativ poliklinikasının həkim-ftiziatrı Aysel Aslanova “Vərəm haqqında məlumat, vərəmin aşkarlanması və təsnifatı”, Milli Referens laboratoriyanın müdiri Mehriban Seyfəddinova “Vərəmin diaqnostikası standart və yeni metodları”, Professor Gindes adına Respublika uşaq və yeniyetmələr üçün vərəm və tənəffüs orqanları xəstəlikləri sanatoriyasınin direktoru, tibb elmləri doktoru Rəşid Bədəlov “ Uşaqlarda vərəmin sanator müalicəsində müasir baxış” mövzularında məruzələrlə çıxış ediblər.

 

Qısa fasilədən sonra konfrans öz işini davam etdirib. İkinci hissədə Elmi-Tədqiqat Ağciyər Xəstəlikləri İnstitutununun Baş həkimi, tibb üzrə fəlsəfə doktoru Gülzar Əliyeva və institutun şöbə müdiri Sevda Mustafayevanın bronxial astma, post-kovid sindromu, vərəm və komorbid vəziyyətlər barəsində əhatəli çıxışları olub.

 

Sonda iştirakçıların sualları cavablandırılıb.