2-ci tip diabetli xəstələr tez-tez qan qlükoza səviyyəsini sabitləşdirmək üçün metformini birinci dərəcəli terapiya kimi qəbul edirlər. Bəzən isə bunun müalicə effekti azalır və əlavə dərman qəbuluna zərurət yaranır.

Aztibb.az  Medikforum.ru-ya istinadən xəbər verir ki, bir neçə il əvvəl aparılan qısa müddətli sınaqlar iki dərmanın birləşməsinin diabetin müalicəsində dərmanların ayrı-ayrı istifadəsinə nisbətən daha effektili olduğunu müəyyən edilib.

Tomas Jefferson Universitetinin Endokrinoloji və Diabet Mərkəzinin direktoru, baş müəllif Serge Jabbour bildirib ki, yeni tədqiqat dapagliflozin və ekzenatidin birləşməsinin iki il davamlı istifadədən sonra effektivliyini itirmədiyini göstərib.

"Diabet üçün bir çox müalicə üsulu qısa müddətli təsir göstərir. Buna görə də uzun müddətli təsir vasitəsi sınamaq faydalıdır.

Araşdırmamız göstərdi ki, dapagliflozin və ekzenatidin birgə istifadəsi iki ildən çoxdur xəstələrdə qlükoza səviyyələrini nəzarətdə saxlaya bilir. Bu çox ürəkaçandır", - deyə Serge Jabbour qeyd edib.